તરંગ પેકેટ એટલે શું? જરૂરી આકૃતિનો ઉપયોગ કરીને સમજાવો.

(N/A) જુદી જુદી તરંગલંબાઈ ધરાવતા તરંગોના સંપાતીકરણથી મળતા પરિણામી તરંગને તરંગ પેકેટ કહે છે.
ઈલેક્ટ્રોન સાથે સંકળાયેલ દ્રવ્ય તરંગ અનંત અવકાશમાં વિસ્તરેલું હોતું નથી. તે એક મધ્યમાન તરંગલંબાઈની આસપાસ વિસ્તરેલું તરંગ પેકેટ છે.
આ સ્થિતિમાં $\Delta x$ અનંત હોતું નથી,પરંતુ તેનું કોઈ ચોક્કસ મૂલ્ય હોય છે જે તરંગ પેકેટના વિસ્તાર પર આધાર રાખે છે.
વળી,તરંગ પેકેટની તરંગલંબાઈ નિશ્ચિત હોતી નથી,પરંતુ તે મધ્યમાન તરંગલંબાઈની આસપાસની ઘણી બધી તરંગલંબાઈઓનું બનેલું હોય છે.
ડી-બ્રોગ્લી સંબંધ અને બોર્નના સંભાવના અર્થઘટનનો ઉપયોગ કરીને તરંગ પેકેટના વર્ણન દ્વારા હાઈઝનબર્ગના અનિશ્ચિતતાના સિદ્ધાંતને ચોક્કસપણે તારવી શકાય છે.
આકૃતિ $(a)$ માં તરંગ પેકેટની યોજનાબદ્ધ આકૃતિ દર્શાવેલ છે અને આકૃતિ $(b)$ માં નિશ્ચિત તરંગલંબાઈ ધરાવતું વિસ્તૃત તરંગ દર્શાવેલ છે.